عمران خان نے ملک کا سب سے بڑا ’ٹیلنٹ ہنٹ پروگرام‘ لانچ کرنے کی منظوری دے دی

اسلام آباد (نیوز ڈیسک) وزیراعظم عمران خان نے سال 2022 کو ‘ایئر آف یوتھ’ نامزد کرنے کا فیصلہ کرلیا اور سربراہ کامیاب جوان پروگرام عثمان ڈار کو ملاقات کیلئے بلالیا۔

ملک کا سب سے بڑا ٹیلنٹ ہنٹ اور پروگرام شروع ہونے میں 3 دن باقی رہ گئے ہیں ، عالمی شہرت یافتہ کھلاڑی وزیراعظم کی اسپورٹس ڈرائیو کاحصہ بننے کو تیار ہے، پاکستانی ٹیلنٹ کی انٹرنیشنل معیار کے مطابق کوچنگ کی پیشکش کی جارہی ہے۔

وزیراعظم عمران خان نے سال 2022کو ایئر آف یوتھ نامزد کرنے کا فیصلہ کرلیا اور سربراہ کامیاب جوان پروگرام عثمان ڈار کو ملاقات کیلئے بلا لیا۔ وفاقی دارالحکومت اسلام آباد میں لانچنگ کی تیاریاں بھی جاری ہے ، اسلام آبادبھر میں بینرز، پوسٹرز اور پینافلیکسز آویزاں کر دیئے گئے ہیں۔

ایونٹ کی لانچنگ کیلئے خصوصی ترانے کی ریکارڈنگ جاری ہے ، جس میں نامور فنکار،گلوکار اورعثمان ڈار ترانے کی شوٹنگ میں حصہ لے رہے ہیں۔ وزیراعظم عمران خان نے ملک کا سب سے بڑا ‘ٹیلنٹ ہنٹ پروگرام’ لانچ کرنے کی منظوری دی تھی، پروگرام رواں ہفتے لانچ کیا جائے گا۔

سربراہ کامیاب جوان پروگرام عثمان ڈار کا کہنا تھا کہ وزیراعظم کھیلوں کے فروغ کے لیے کیا وعدہ پورا کرنےجا رہے ہیں، وفاقی حکومت مقامی ٹیلنٹ کوعالمی فورمز تک پہنچانے کی ذمے داری لے گی۔