پیر محل میں 8 سالہ معذور بچی کو درندوں نے ہوس کا نشانہ بنا ڈالا

ٹوبہ ٹیک سنگھ (نیوز ڈیسک) پیر محل کے نواحی علاقے کی رہائشی 8 سالہ معذور بچی کے ساتھ مبینہ زیادتی کا واقعہ پیش آیا ہے، بچی  کو تشویشناک حالت میں اسپتال منتقل کردیا گیا ہے، میڈیکل رپورٹ میں معذور بچی سے زیادتی کی تصدیق ہوگئی۔

 پولیس کا کہنا ہے کہ بچی گھر میں اکیلی موجود تھی، بچی کا باپ شادی جبکہ ماں بھیک مانگنے گئی ہوئی تھی۔ بچی نور فاطمہ معذوری کے باعث بول نہیں سکتی، جس کا فائدہ اٹھا کر ملزمان نے زیادتی کا نشانہ بنایا ہے۔

پولیس نے زیادتی کے ملزم کی گرفتاری کیلئے تفتیش کا آغاز کردیا ہے، جبکہ بچی کو پولیس تحویل میں ٹوبہ ٹیک سنگھ روانہ کردیا گیا ہے۔