سندھ حکومت کی کروڑوں روپے مالیت کی گندم ایک بار پھر غائب

اسلام آباد (نیوز ڈیسک) سندھ حکومت کی کروڑوں روپے مالیت کی گندم ایک بار پھر غائب ہوگئی۔ سندھ میں ایک کے بعد ایک سرکاری گندم چوری کے اسکینڈل سامنے آرہے ہیں، اب محکمہ خوراک سندھ کی سرکاری گندم کا نیا اسکینڈل سامنے آگیا ہے۔

سندھ کے 8 سرکاری گوداموں سے کروڑوں مالیت کی ہزاروں ٹن گندم دوبارہ غائب ہونے کا انکشاف ہوا ہے، نوشہروفیروز کے 8 گوداموں سے 13 ہزار میٹرک ٹن سے زائد کی گندم غائب ہو گئی ہے۔

رپورٹ کے مطابق محکمہ خوراک کی رپورٹ نے کھلبلی مچا دی، غائب گندم کی مالیت 70 کروڑ سے زائد ہے۔

ڈسٹرکٹ فوڈ کنٹرولر نوشہروفیروز نے تحریری رپورٹ سیکریٹری محکمہ خوراک کو بھیجتے ہوئے سرکاری گندم غائب ہونے کی تحقیقات کیلئے کمیٹی تشکیل دینے کی درخواست کر دی ہے۔

اپنا تبصرہ بھیجیں